About our temple

அப்போது மைசூரை ஆட்சி செய்து வந்த  மன்னர்கள் தமிழ்நாடு மீது படையெடுத்து வந்தார்கள் அந்தப் படையெடுப்பிற்கு பயந்து போய் நமது சமூக முன்னோடிகள் இரண்டு தாயார்களுடன் மூலவரையும், ஆஞ்சநேயரையும் சேர்த்து கோயில் அருகில் இருந்த கிணற்றில் ஒரு பொந்தில் மறைத்து வைத்துவிட்டு அவ்வூரில் இருந்து பல குழுக்களாக பிரிந்து பல ஊர்களில் குடியேறினார்கள். அந்த ஊர்களே நமது வம்ச கத்திகைகள் என்று பெருமையுடன் வழங்கப்படுகிறது.

அதன் பிறகு வந்த தலைமுறையினருக்கு தம் குலதெய்வ வழிபாடு பற்றிய போதிய விபரங்கள் தெரியாமல் இருந்ததால் அந்த பல கத்திகைகளில் பலமுறைகளில் குலதெய்வ வழிபாடுகளை செய்து வந்தார்கள். சில கத்திகைகளில் சக்தி கலசம் அமைத்தும், ஒரு சில கத்திகைகளில் கேல்கடிகை (மண்சட்டி) வைத்தும், வேறு சில கத்திகைகளில் தாசர் பந்தசேர்வை-கவ்வாளமாக வைத்தும் வழிபாடு செய்து வருகிறார்கள்.

ஆனால் அனைத்து கத்திகைகளும் ஒன்று சேர்ந்து, வடவள்ளியை மடமனை என்னும் தலைமைப் பீடமாக கொண்டு நடந்து வருகின்றன.